Prawe akustiske spóznawanje rěče twori zakład za wšelakore serbskorěčne digitalne posłužby a produkty.
Wuslědki wjetšeho slědźenskeho projekta na tutym polu, kiž nasta w kooperaciji mjez Fraunhofer IKTS a Choćebuzkej techniskej uniwersitu BTU, chcemy Wam srjedu, 15.06.2022 w 19 hodź. online předstajić.
Jan Budar, direktor Załožby za serbski lud, a Daniel Zoba, społnomócnjeny za digitalizaciju, informujetaj wo aktualnym stawje a poskićitaj dohlad za kulisu spóznawanskeho systema.
Zarjadowanje wotměwa so w hornjoserbskej rěči.
Kak móžeš so wobdźělić?
Chcemy za zarjadowanje platformu Jitsi Meet wužiwać. Tu móžeš so wobdźělić a live z nami diskutować. Nimo toho so zarjadowanje na YouTube streamuje a zdobom natoči, tak zo móžeš nam tež tam sćěhować abo sej widejo tež pozdźišo wobhladać.
Kedźbu! Hdyž so na zarjadowanju přez Jitsi Meet wobdźěliš, přihłosuješ wědomje k tomu, zo sy w livestreamje na YouTube a pozdźišo tež we wideju widźeć a słyšeć. Hdyž to nochceš, móžeš sej zarjadowanje jednorje přez livestream na YouTube wobhladać. Zapasnješ z tym pak móžnosć so na direktnym puću z nami wuměnić a diskutować.
Přistup k zarjadowanju přez Jitsi: https://meet.jit.si/moderated/db59dccc46a71c5a43100f4aa916fffd7d00aa7a469d2d76de71678170d212d5
Livestream zarjadowanja na YouTube: https://www.youtube.com/watch?v=RWUo7N_Aybw
- folije Jana Budarja (hornjoserbsce, němsce)
- folije Daniela Zoby (hornjoserbsce, němsce)
Wjeselimy so na Waše prašenja a zajimawu diskusiju!
Dalše informacije k spóznawanju rěče
- Přinošk w Serbskim rozhłosu k temje (16.06.2022)
- Spóznawanje rěče, aktualny staw a wuhlad (přednošk Daniel Zoba na 2. digitalizaciskej konferency 2021 jako hornjoserbski wideo abo prezentacija w hornjoserbšćinje abo němsce)
- Mašinelne spóznawanje rěčaneje čěšćiny – předskok za Serbow? (přednošk Anja Nedoluzhko na 1. digitalizaciskej konferency 2019)
- Cross-lingual acoustic modeling in UpperSorbian – Preliminary study (jendźelski přednošk teama Fraunhofer IKTS a BTU Choćebuz na 32. konferency ESSV 2021 w Berlinje)
- Glottal Stops in Upper Sorbian: a Data-Driven Approach (jendźelski přednošk teama Fraunhofer IKTS a BTU Choćebuz na Interspeech 2021 w Brnje)
- Spracherkennung (artikl na němskej Wikipediji)
