Srjedu, 31. awgusta wot 19 do 20 hodź. předstaješe nam Daniel Zoba wosebje spřihotowany mobilny telefon z hornjo- a delnjoserbskim powjerchom. Nimo demonstracije da wón dohlad do techniskich zakładow a rozkładźe, kajke móžnosće wobsteja, serbšćinu do dalšich aplikacijow abo samo do dźěłoweho systema telefona zapodać.
Kotre wužadanja k dospołnje serbskemu šmóratku so hišće přewinyć maja a kak tež ty nas z twojim angažementom při wiziji serbskeho šmóratka podpěrać móžeš, tež to bě tema wječora.
Zarjadowanje přewjedźeše so w hornjoserbšćinje.
Sy zarjadowanje zapasł/-a? Žadyn problem! Tule namakaš nahrawanje:
- Widejo zarjadowanja na YouTube: https://www.youtube.com/watch?v=V7C29BKSl3c
- Prezentacija: Serbski mobilny telefon – Móžnosće a wužadanja (PDF)
Waše mysle, prašenja a přispomnjenja móžeće rady w komentarach zawostajić!
