Što je poprawom kulturne herbstwo? Kak móžemy je registrować a składować? A što činimy poprawom z našim digitalnym kulturnym herbstwom? K tutej temje chce nam Robert Lorenc, wědomostnik Serbskeho instituta, štwórtk, 4. meje w 18:30 hodź swój projekt digitalneho registra kulturneho herbstwa online předstajić a na tute prašenja wotmołwić. Po přednošku chcemy hromadźe z wami wo tym diskutować.
Kulturny wuběrk Domowiny a team Digiserba přeprošujetaj was na zajimawy diskusijny online-wječork.
Přistupne daty
Wobdźělće so direktnje při online-zetkanju w Jitsi (Jitsi móže serbsce) a diskutujće tu zhromadnje z nami. Wobkedźbujće prošu, zo so zarjadowanje streamuje a natoči. Z přistupom přez Jitsi sće přezjedni z tym, zo sće we wideju snano widźeć.
Tule móžeće přistupić: https://meet.jit.si/moderated/3eec78add4576b13b6f8588e29ce68d1222710733a364b3f5485415cc715a0d6
Jeli chceće jenož přihladać, zarjadowanje streamujemy tu na YouTube: https://www.youtube.com/watch?v=_Ne6ajWxp6s
Dalše informacije k projektej móžeće na webstronje Serbskeho instituta wotwołać:
- Register za serbske kulturne herbstwo – w cyłej swojej šěrokosći (medijowa zdźělenka Serbskeho instituta wot 19.01.2023)
- Koncepcija registra za serbske kulturne herbstwo (projektna strona pola Serbskeho instituta)
