Wo nas Tu zhoniš, što je DIGISERB a štó za teamom tutoho projekta tči.
Projekt DIGISERB
Z projektom DIGISERB chcemy wam na jednej webstronje wědu nastupajo serbskeje digitalizacije sposrědkować, znatosć serbskich digitalnych projektow stopnjować a wam z pomocu krótkich instrukcijow pokazać, na kotre wašnje hodźi so serbska rěč w digitalnych medijach lochce wužiwać. Chcemy z webstronu za wužiwanje serbskeje rěče w digitalnym swěće wabić, tak zo w přichodźe hišće wjace Serbow a zajimcow serbsku rěč a serbskorěčne poskitki na swojich elektroniskich nastrojach wužiwa.
Nimo toho chcemy z DIGISERBom akterow we wobłuku serbskeje digitalizacije zwjazać, dorost spěchować, so z wami k wšelakorym techniskim temam wuměnjeć a zdobom webstronu kaž tež serbske projekty dale wuwiwać.
DIGISERB ma so stać z prěnim kontaktnym městnom a TA centralna webstrona ze wšěmi temami kołowokoło serbskeje digitalizacije.
DIGISERB je projekt Załožby za serbski lud.
Naš team
Do našeho teama pola załožby słušeja:
- Daniel Zoba, społnomócnjeny za digitalizaciju
- Silva Oehlertojc, asistentka za zjawnostne dźěło a digitalizaciju w Delnej Łužicy
- Maria Untchowa, asistentka za zjawnostne dźěło w Hornej Łužicy
- Felizitas Birkhofenowa, referentka a medijowa informatikarka
- Katharina Čornakowa, sobudźěłaćerka teama spěchowanja a zamołwita za wobłuk nowe medije
- a TY! 🙂
Njejsy hišće w našim teamje? Potom přizjew so a podpěraj nas z tutym projektom!