Serbski institut, BTU Choćebus-Zły Komorow a DomPro gGmbH přeprošuja na Mjezydisciplinarny forum a wiki wo přitomnosći a přichodźe serbskeje digitalneje kultury.
Na zarjadowanju chcemy najnowše wědomostne wuwića na polu digitalneje kultury sposrědkować a diskutować. Wosebity zajim płaći při tym techniskemu wuwiću digitalnych gratow a resursow kaž tež wužiwanju tutych w serbskej kulturje. W diskusijach a prezentacijach zetkawaja so wědomostne debaty ze serbskimi digitalnymi kulturnymi praksami. Nimo přednoškow předstajeja so na zarjadowanju hižo eksistowace digitalne graty a resursy. Na tutym zakładźe ma nastać rum za wuměnu mjez wědomostnikami (ze wšelakich wědomostnych perspektiwow) a praktikarjemi (producenća a wužiwarjo).
termin: 20.03.2025 – 21.03.2025
městnosć: Załoženski centrum (Gründungszentrum) „Startblock B2“, BTU Choćebuz-Zły Komorow, Siemens-Halske-Ring 2, Choćebuz
Program a přizjewjene za zarjadowanje namakaće tu na webstronje Serbskeho instituta.
Hdyž chceće swójski digitalny projekt skónčnje raz wjetšemu publikumej předstajić, potom přizjewće so jako wustajer na wikach tu na webstronje DomPro gGmbH.