Naša webstrona „digiserb.de“ je ze zymskeho spara wotućiła a prezentuje so w nowym designje. Hromadźe z agenturu SpreeDesign Bautzen GmbH z Budyšina smy koncept, layout a funkcionalnosć předźěłali. Nowe je mjezdruhim:
- Wjacerěčnosć strony je so rozšěriła. Móžeće kóždy wobsah čitać, tež hdyž přełožk hišće njepředleži (rěč so awtomatisce změni).
- Tutorials móžeće nětko po temach filtrować.
- Zarjadowanja su swójska kategorija.
- Nowa kategorija „pokazki“: Tu namakaće pokazki na znate (abo snano hišće nic tak znate?) serbske webstrony.
- Předstajamy wam prěnje projekty z wobłuka serbskeje digitalizacije (dalše sćěhuja).
Digiserb je interaktiwna strona. Chcemy tu tež waše projekty předstajić, so z wami k temje digitalizacija wuměnić a zhromadnje z wami tutu stronu wožiwić. Za to pak trjebamy wašu pomoc! Přizjewće so w portalu a zestajće a wobdźěłajće waše wobsahi! Maće zajimawy swójski projekt, kiž na digiserbje hišće pobrachuje? Potom přizjewće so direktnje přez mejlku pola NAS, my wšitko trěbne zarjadujemy.
Je strona „digiserb.de“ da nětko „hotowa“? Ně, a to tež ženje njebudźe. Strona je interaktiwna a z wašej pomocu dale rozrosće. Zdobom w pozadku na funkcionaliće dale dźěłamy. Jeli namakaće zmylk abo wam so wzda něšto spodźiwnje, potom nam to rady zdźělće! Přez konstruktiwnu kritiku so přeco wjeselimy.
Slěduj nam za dalše nowosće tež na INSTAGRAM!
