Mikrofon auf sorbischer Flagge (blau, rot, weiß)

Diktuj swojemu šmóratku swój tekst

Diktuj-App zmóžni tebi serbski diktat do android šmóratka
20. November 2026 0:00
KOMMENTARE (0)

Pod mjenom “Diktuj” wozjewi Załožba za serbski lud w tutych dnjach nowu aplikaciju za Android systemy w Google Playstore. Nadźěłał je app Adrian Ćěsla w nadawku załožby a wona zamóže twoje hornjoserbsce rěčane słowa do pisma přełožić. Chceš-li potajkim w přichodźe swojemu šmóratku powěsće diktować, móžeš sebi “Diktuj” instalować, zarjadować a kaž přidatnu tastaturu wužiwać.

Dokelž wšak njeje w serbšćinje wuběrk hłosow hišće pře wulki, je móžno, zo system tón abo tamny hłós pře derje njerozumi. Jeli to zwěsćiće, bychmy so jara wjeselili, bychće-li so na platformje „Mozilla Common Voice“

na nahromadźenju serbskich rěčanych sadow z wašim hłosom wobdźělili a tak spóznawanje wašeho hłosa po času polěpšili. Maće-li hewak hišće problemy abo pokiwy nastupajo app „Diktuj“, napisajće to prošu nam nowemedije@zalozba.de .

dalše profile