Załožba za serbski lud a Meta AI stej natěto kooperaciju w ramiku „Meta Language Technology Partner Porgrams“ (LTPP) wobzamknułej. Nazymu 2025 wózjawjony system Omnilingual ASR, kótaryž pódpěra pśez 1.600 rěcow a zmóžnijo awtomatizěrowane transkripcije, jo rezultat toš teje kooperacije a pódpěrujo górno- ako teke dolnoserbšćinu.
Pśez integrěrowanje toś teje technologije se prědny raz teke dolnoserbska rěc zaměrnje do modernych digitalnych rědow zawěžo. Z nimi mógu se dolnoserbske rěcne nagraśa awtomatiski transkriběrowaś a w tekstowej formje pśenjasć. To wólažcyjo wuźěłanje pódtitelow, transkriptow, kubłańskich a archiwnych materialijow a k tomu pśinosujo, dolnoserbšćinu trajnje w digitalnem rumje pokazaś.
Omnilingual ASR jo open-source-system wót Meta AI a pśez platformu Hugging Face lichotnje wužywajobny. Web bazěrowany demo dowólijo direktne nalodowanje awdijowych abo wideodatajow a pokazujo, kak wjelerako góźi se technologija za małe a wobgrozone rěcy zasajźiś.
Za serbske rěcne zgromaźeństwo nastanjo z tym nowy pśistup ku KI-zeprětym nałožowanjam:
• awtomatiska transkripcija serbskich medijowych wopśimjeśow
• dolnoserbske pódtitelowanje
• Natwaŕ digitalnych rěcnych korporow
• Pódpěra kubłańskich a kulturnych projektow
„Kooperacija zmóžnijo nam, serbsku rěc nacasnu wašnju zapśimjeś a digitalnje spśistupniś ”, wujasnijo Załožba za serbski lud. Partnaŕstwo sajźijo wažny signal za prezencu a zawěsćenje pśichoda serbskeju rěcowu w pśiběrajucem digitalnem swěśe