Reprezentantaj teama „spóznawanje serbskeje rěče“, Ivan Kraljevski (Fraunhoferowy institut za keramiske technologije a systemy IKTS Drježdźany) a Daniel Zoba (społnomócnjeny za digitalizaciju Załožby za serbski lud), předstajištaj w minjenych 9 měsacach wjackróć wuspěšnje swój system. Započinałoj staj kónc 2024 na konferency w Běłohrodźe (Serbiska), na kotrejž Iwan a Daniel serbski lud kaž tež wosebite zhladowanje na spóznaće serbskeje rěče w přednošku předstajištaj. Tež spisaštaj k tomu wozjewjenje . Rozprawjachmy wo tym hižo tu: https://digiserb.de/specom2024/
Dobrych wuslědkow dla, buštaj na dalšu konferencu do Parisa přeprošenaj. Tam předstajištaj na posteru serbske rěčne toole . Lětsa w měrcu běše Ivan skónčnje hišće w Halle na 36. konferency ESSV – ELEKTRONISCHE SPRACHSIGNALVERARBEITUNG https://www.essv.de/essv2025/index.html. Za to zapodachu tohorunja wozjewjenje, kotrež bu akceptowane a wozjewjene https://www.essv.de/pdf/2025_109_116.pdf.
Štóž chce hišće dokładniše informacije wo aktualnych postupach spóznawanja rěče , móže dospołnu rozprawu wo projektowym postupje w lěće 2024 w jendźelskej rěči tule Report2024_en abo skrótšenu němsku rozprawu čitać ShortReport2024_de
Za wozjewjenje za ESSV a rozprawu dóstachmy wulkotne přidźěła. Za tute chcemy so wutrobnje dźakować:
Korli Baierej: Nahrawanja swójskeho hłosa
RCW WITAJ Rěčnemu centrumej: Nahrawanja hłosa Weroniki Butendeichoweje
Korli Baierej: Trening modula k spóznawanju rěče „whisper large v3 turbo“ za hornjoserbšćinu huggingface.co/Korla