Wó nas How zgónijoš, co jo DIGISERB a chto za teamom toś togo projekta štycy.
Projekt DIGISERB
Z projektom DIGISERB comy wam na jadnom webboku wědu nastupajucy serbsku digitalizaciju pósrědnjaś, znatosć serbskich digitalnych projektow pówušyś a wam z pomocu krotkich instrukcijow pokazaś, na kótaru wašnju góźi se serbska rěc w digitalnych medijach lažko wužywaś. Comy z webbokom za wužywanje serbskeje rěcy w digitalnem swěśe wabiś, tak až w pśichoźe hyšći wěcej Serbow a zajmcow serbsku rěc a serbskorěcne pórucenja na swójich elektroniskich rědach wužywa.
Mimo togo comy z DIGISERBom akterow we wobłuku serbskeje digitalizacije zwězaś, dorost spěchowaś, se z wami k wšakorakim techniskim temam wuměniś a rownocasnje webbok ako teke serbske projekty dalej wuwijaś.
DIGISERB ma se wuwijaś z prědnym kontaktnym městnom a TA centralny webbok ze wšymi temami kołowokoło serbskeje digitalizacije.
DIGISERB jo projekt Załožby za serbski lud.
Naš team
Do našogo teama pla załožby słušaju:
- Daniel Zoba, nadawk mějucy za digitalizaciju
- Silva Oehlertojc, asistentka za zjawnostne źěło a digitalizaciju w Dolnej Łužycy
- Maria Untchowa, asistentka za zjawnostne źěło w Górnej Łužycy
- Felizitas Birkhofenowa, referentka a medijowa informatikaŕka
- Katharina Čornakowa, sobuźěłaśeŕka teama spěchowanja a zagronita za wobłuk nowe medije
- a TY! ????
Njejsy hyšći w našom teamje? Pótom se pśizjaw a pódpěruj nas z toś tym projektom!