Instalowanje hornjoserbskeje prawopisneje kontrole za Microsoft Office

download: https://soblex.de/spellchecker_extension_update/setup_spellchecker_msoffice2013-2019_soblex_hsb_w6_3.03.08_06.02.2021.exe

Kak móžu hornjoserbsku prawopisnu kontrolu w Microsoft Office za Windows instalować a wužiwać?

• Wočiń browser a wotwołaj stronu www.soblex.de.
• Klikń naprawo horjeka na symbol z třomi smužkami -> Downloads.

• Pod nadpismom “za/für Microsoft Office 2013-2019” namakaš link k instalaciskej dataji. Sćehń sej ju.
• Wuwjedź sćehnjenu dataju (setup_spellchecker_msoffice2013-2019_soblex_hsb_w6_3.03.08_06.02.2021.exe), na př. z dwojoklikom.

• Pod wěstymi wuměnjenjemi  pokaza so warnowanski dialog “Der Computer wurde durch Windows geschützt”. Pod wopisowacej sadu namakaš podšmórnjeny link “Weitere Informationen”, stłóč na njón.
• Startuj instalaciju z kneflom “Trotzdem ausführen”. Wobkruć sćěhowace dialogi z “Ok”, “Installieren”, “Ok” a “Fertigstellen”.

• Nětko móžeš sej w Microsoft Office hornjoserbšćinu jako rěč za prawopisnu kontrolu a za dokumenty wuzwolić.