Dźenik
Krok po kroku je digitalny wuknjenski portal Rěčneho centruma WITAJ za šulerjow wot 5. lětnika, runje tak kaž za dorosćenych wuknjacych. Wone skića 11 lekcijow k rozdźělnym temam serbskeho prawopisa a gramatiki. Ličba lekcijow so hišće rozšěrja. W kóždej lekciji namakaće dźěłowe łopjeno a wuknjenske widejo, w kotrymž so zakłady k wotpowědnej temje rozłožuja a zjimaja. Ze wšelakimi interaktiwnymi zwučowanjemi móžeće to nawuknjene zwučować a skrućić.
Za wuknjacych:
W 15 schodźenkach móžeće so přez swój wuknjenski wuspěch wot „ćipki“ přez „Powerler“ a „Superserb“ hač k „nócnym hawronej“ wuwić. Wuknjenska statistika pokazuje wam při tym postup a hižo přewjedźene zwučowanja.
Wučerki a wučerjo móža poskitk „Krok po kroku“ jako přihot na wučbu wužiwać a w rjadowni zasadźeć. Za to hodźa so swójske zwučowanja indiwidualnje zestajeć a swójski material składować.
(tu faluje wobšěrne serbske wopisanje)
Spěchowanje
Projekt spěchuje so wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Němskeho zwjazkoweho sejma, Krajneho sejma Braniborskeje a Sakskeho krajneho sejma.
Čiń sobu!
Sy wučerka abo wučer a maš rjane ideje za dalše zwučowanja a nadawki? Potom přizjew so na portalu „Krok po kroku“ a je tam zapodaj. Trjebaš-li pomoc, skontaktuj so ze sobudźěłaćerjemi Rěčneho centruma Witaj. Woni ći rady dale pomhaja!
Chceš so wobdźělić?
Wjeselimy so přez kóždeho, kiž chce nas podpěrać! Załož sej konto a wuwiwaj z nami digiserb projekt!
Agata - serbski chatbot
Krok po kroku
bamborak
Sorbian Music - poskitk streaminga za serbsku hudźbu
