soblex(x)

• 2013: zapołoženje projekta přez Bernharda Baiera najprjedy pod dźěłowym titulom „sorbdict 2.0“, kiž natwarješe so na diwersnych předdźěłach (mj.dr. wot Tima Meškanka, Wita Bejmaka kaž tež spěchowanja přez Rěčny centrum Witaj koordinowane přez dr. Beatu Brězanowu).
• 2014: Předstajenje projekta we wobłuku přednoška „Morfologiski generator za hornjoserbšćinu a jeho nałožowanje“ w Serbskim instituće a załoženje projektoweje webstrony „soblex.de“
• 2016: dr. habil Sonja Wölkowa ze Serbskeho instituta přewozmje rěčespytny nawod projekta, po tym zo su do toho dobrowólne a honorarowe mocy na morfologiskim generatorje soblexa sobu skutkowali. Přez dr. Sonju Wölkowu a sobudźěło dr. Richarda Bígla (tohorunja Serbski institut) so w slědowacych lětach morfologiski generator za zaručenje wěsteje wality předźěłany
• 2019: Wothłosowanje ramikoweho dokumenta ze Serbskim institutom a Bernhardom Baierom, kiž wopisuje poćah mjez soblex.de a hornjoserbsce.de kaž tež postupowanje při integraciji dalšich słownikow.
• 2022: Dr. Sonja Wölkowa poda so na wuměnk; rěčespytny nawod projekta je z toho časa wakantny.
• 2023: dalewjedźenje z projektoweje webstrony soblex.de na soblexx.de
• 2024: Bernhard Baier zdźěli napřećo druhim nošerjam projekta kónc tutoho, po tym zo njeběchu diwersne rozmyslowanja wunošne, a měł so rěčespytny nawod znowa wobsadźić a ramikowy dokument z lěta 2019 aktualnym wuwićam přiměrić.

(hlej kónčna rozprawa projekta, str. 8)

Wuskutki zakónčenja projekta
Techniske dalewobhospodarjenje projektoweje webstrony přez Bernharda Baiera je zaručene. Wočiwidne korektury zmylkow so snano přez maćernorěčnych z rěčespytnymi kompetencami přewjedu. Dalše wobsahowe změny a rozšěrjenje (tu: wosebje přiwzaće nowych słownikow) njeje pak po kóncu projekta hižo předwidźane. Naslědne wužiwanje a dalewjedźenje projektowych wuslědkow w nowym resp. hinašim projektowym konteksće je móžne a so wot Bernharda Baiera wuraznje podpěruje.

(hlej kónčna rozprawa projekta, str. 9)