Južo někotare lěta se Serby wó zapśěgnjenje serbšćiny na wjelikich digitalnych systemach a platformach ako Google, Windows, Apple procuju. Něnto smy dalšny granicnik dojśpili: Youtube móžo serbski!
Nichten z wěstosću groniś njamóžo, co jo był rozsudny kamušk za toś ten epochalny wuspěch: až źasetki mejlkow nejwšakorakšych serbskich akterow, lěc strategije institutow a institucijow, lěc pšosba wó pódpěru Vatikana. Abo ten pśipad, až jo serbski koordinator za digitalizaciju Daniel Zoba na konferency njedawno w Parisu sobuźěłaśerja GOOGLE pśi kafeju na tematiku nagranjał. Fakt jo: wótněnta teke Youtube našej maminej rěcy (Obersorbisch, Niedersorbisch) pódpěrujo. To wólažcyjo serbskim akteram na pólu digitalnych medijow na pśikład pśistup ku korektnemu pódtitelěrowanju a až system spóznawa serbšćinu. Zrazom jo to wažna referenca za dalšne digitalne pśedewześa, kótarež mógu se něnto teke na to póśěgowaś, až jo serbšćina jadna z mało rěcow w lisćinje youtube, kótarež system pódpěra – z cełkownje něźi 7.000 rěcow na swěśe.