Projekt Mudra 2.0 abo Za čo trjebamy dźensa hišće nowy serbski słownik a kak ma tajki wupadać?
Zarjadowanje Maćicy Sebskeje wotměješe so wutoru, dnja 21.10.2025 wječor na žurli Serbskeho domu w Budyšinje.
Referenća běchu:
- Katja Brankačkec, Ph. D. (Slovanský ústav AV ČR)
- Michal Škrabal, Ph. D. a Pavel Vondřička, Ph. D. (wobaj: Ústav Lingvistiky, Oddělení Českého národního korpusu FF UK)
W přednošku předstaji so aktualny staw nastawaceho hornjoserbsko-čěskeho online-słownika Mudra 2.0, kiž bu załoženy wot Jiříja Mudry (1921–2009) a je wjac hač 10 lět jako torso w jeho zawostajenstwje drěmał.
Referenća wěnuja so metodiskim, ale tež zasadnišim prašenjam leksikografije:
- Što je poprawom rosćacy słownik?
- Ma wot Mudry zběrany material tež zwonka rěčespytneho dźěła hódnotu?
- Kak jón najlěpje šěrokim kruham spřistupnić?
- Što ma při wobmjezowanych financnych a personelnych móžnosćach najwjetšu prioritu?
- Kajke metodiske a koncepcionelne ćeže nastawaja, hdyž nadźěła so serbski słownik, kiž njepřełožuje z abo do němčiny?
- Abo hinak prajene: Kak daloko je so mjeztym serbski słowoskład w swojich semantiskich strukturach němčinje připodobnił, zo přełožk do druhich słowjanskich rěčow druhdy njewočakowane ćeže čini?
