Drasta Digital

Kirsten Ann Böhme/ Towarstwo pěstowanja regionalneje kultury Srjedźneje Łužicy z. t.

Iniciatorka, drastowa ekspertka za digitalizaciju, ekspertka, host a syć 

Předsyda towarstwa Kirsten Ann Böhme je co-iniciatorka projekta. Diplomowa architektka je w 5. generaciji šwalča serbskeje narodneje drasty we Wojerecach. Wona wjedźe Jatzwauec drastowy dom we Wojerecach až tež serbski drastowy forum www.lausitzer-trachten.de. Kirsten Böhme narodźi so w Drježdźanach, wotrosće pak w němsko-serbskim wobswěće we Wojerecach. Jeje wowka zdrasći jej ze šěsć lětami prěni raz narodnu drastu a pokaza jej, a so tuta šije. Kirsten studowaše architekturu a zajimowaše so wosebje za pomnikoškit. Po přewróće započinaše so za zdźerženje drastow a nałožkow zasadźować. Wona běše 1992 sobuzałožerka towarstwa a iniciěrowaše jutrowne wiki w Nowej Łuce (Neuwiese). Wosebje wažne stej jej slědźenje a wuwiće, kiž stej trěbnej, zo bychu so repliki drohotnych falow zhotowić móhli.

Jakob Gruhl/ Ectoplastic

Iniciator, projektowy manadźer, diplomowy museologa

Jakob Gruhl załožer multimedialneho studija Ectoplastic a co-iniciator projekta. Wón narodźi so 1986 w Budyšinje a wotrosće dwurěčnje němsko serbski. W lěće 2012 zakónči studij museologije z diplomom. Z lěta 2013 je Jakob Gruhl samostatny a na mjezy mjez wuměłstwom, hudźby a IT jako projektowy koordinator, sposrědkowar a hudźbnik aktiwny. Wón je sobuzałožer multimedialneho studija Ectoplastic w Halle. co-koncepter a sobuwudawaćel hudźbneje software Mazetools. Jakob je sobuzałožer Centruma za imersiwne medijowe wuměłstwo, hudźbu a technologiju z.t. (ZiMMT)w Lipsku. 2020 iniciěrowaše wón mjez druhim “Immersive Sound – Forum za 3D Audio”, Spatial Audio Network Germany kaž tež Spatial Audio Network Europe. Z lěta 2022 je wón w přiradźe kulturneho zarjada Lipska we wobłuku interdisciplinarne.

Jan Lorenc

nawod digitalizacija, esperta za 3D fashion design, nošer myta modoweho wubědźowanja Sorbian Street Style

Jan Lorenc je modowy designer (BA) a wěnuje so temam modowy design a digital fashion. Hižo w studiju přeslědźi wón hromadźeskutkowanje mjez digitalnymi technologijemi a couture, kaž tež zhotowjenje drasty z pomocu software a na software bazowace wudawanske metody za přitřihowe mustry. Jan narodźi so 1986 w Budyšinje a je swojeho serbskeho pochada dla sylnje do projekta Drasta Digital zapřijaty. W nim digitalizuje serbske drastowe elementy a wuwiwa nowe workflowy.

Planowane dźěłarnički za digitalizaciju

Drastu w participatiwnej dźěłarni do digitalneho ruma přewjezć, nawjazuje na wšelakore tematiske dypki a zwjedźe ju w procesu hromadźe. Digitalizacija so na konkretne wašnje nazhoni a diferencuje, hdyž ludźo sami drastowe elementy sobu přinjesu, je na městnje zaskenuja a sej tute pozdźišo we wustajeńcy abo web-interface na swójskim šmóratku wobhladuja. Nastanje rum za refleksiju, wuměnu wědy a dopomnjenki. Runočasnje nastanje něšto noweho, 3D objekt zdźědźeneho rubiška, kiž hodźi so wotnětka digitalnje nosyć. Zajim za wobchowanje je zwjazany z wjeselom na eksperimentowanju. Projekt přewjedźe so po standardach, kotrež digitalizowany material wotnětka jako open source material za druhe kulturne a sociokulturne k dispoziciji staji. Wuslědki dźěłarnjow so na kóncu projekta instalatiwnje předźěłaja a wustajeja.

Wšitcy zajimowani su wutrobnje přeprošeni so z Jakubom Gruhlom skontaktować z idejemi, prašenjemi, nastorkami a kooperacijemi.