A to će wočakuje:

• pjeć stawy powědaja cyle nowu putacu stawizna wo našim sławnym serbskim činkarju
• z ruku rysowane dyrdomdejstwa, kiž će k historiskim podawkam a městnam po wšej Łužicy dowjedu a kiž móžeš prěni raz jako kompjuterowu hru dožiwić
• něhdźe 60 rěčnikow a fantastiska serbska hudźba, kiž rozputaja napjate, starodawne časy

Serbska widejowa hra pisa stawizny

“Krabat a potajnstwo serbskeho krala ” je digitalna jězba po Łužicy zažneho 18. lětstotka a bu prěni raz za Windows PC w lěće 2015 wozjewjena. W aprylu 2018 přewjedźe so přiměrjenje aktualnemu systemej a wosebje za mobilne kónčne nastroje, kaž smartphone a tablet. Z tym je to zdobom prěnja mobilna widejowa hra, kotraž bu w serbskej rěči wozjewjena.

Titulny rjek je znata serbska postawa Krabat, kotraž naby mjez druhim přez literarne adapcije Jurja Brězana a Otfrieda Preußlera narodnu kaž mjezynarodnu znatosć. Zakładny koncept hry bazuje na pospyće, serbsku rěč a kulturu hrajersce nawuknyć resp. wotkryć. K tomu buchu kulturne a regionalnostawizniske aspekty kaž tež historiske městna Hornjeje a Delnjeje Łužicy (n.př. město Budyšin a Błóta) do fikcionalneho jednanja zadźěłane.

Historija:

2009: Ideja za nowu dyrdomdejsku hru nastanje.
2013: Přiměrjenje na technologiske dalewuwiće ličakow
2015: Wozjewjenje hry za ličaki
2016: Demo-wersija za mobilne platformy Android a iOS steji k dispoziciji.
2017: Wozjewjenje mobilneje wersije na platformomaj Android a iOS, přidatnje nowej wersiji za PC a mobilne nastroje pod Windows 10
2018: Jendźelski přełožk so wozjewi

Planowane:

Delnjoserbska synchronizacija