Što je poprawom kulturne herbstwo? Kak móžemy je registrować a składować? A što činimy poprawom z našim digitalnym kulturnym herbstwom? K tutej temje chce nam Robert Lorenc, wědomostnik Serbskeho instituta, štwórtk, 4. meje w 18:30 hodź swój projekt digitalneho registra kulturneho herbstwa online předstajić a na tute prašenja wotmołwić. Po přednošku chcemy hromadźe z wami wo tym diskutować.
Kulturny wuběrk Domowiny a team Digiserba přeprošujetaj was na zajimawy diskusijny online-wječork.
Folije přednoška za download.
Dalše informacije k projektej móžeće na webstronje Serbskeho instituta wotwołać:
- Register za serbske kulturne herbstwo – w cyłej swojej šěrokosći (medijowa zdźělenka Serbskeho instituta wot 19.01.2023)
- Koncepcija registra za serbske kulturne herbstwo (projektna strona pola Serbskeho instituta)
